Оптометрист жұмысының мазмұнына көру қызметін зерттеу (көру өткірлігі, жарықты қабылдау ерекшелігі, түсі мен формасы) және оны түзету, клиентке кеңес беру, контактілі линзаларды пайдалануға үйрету, қоршаған ортаның және өмір салтының әсерінен туындаған көру проблемасын шешу бойынша ұсыныстар беру кіреді. Ол көзілдіріктерді, контактілі линзаларды және нақты клиентке арналған басқа да оптикалық қосалқы құралдарды қиыстырып келтірумен, сондай-ақ оларды дайындаумен және ұсақ жөндеумен айналысады, әсіресе оптиктің жеке лауазымы жоқ шағын дүкендерінде.
Қызметкердің кәсіби маңызды қасиеттері
Эмоционалды-психологиялық тұрақтылық, дамыған жедел жады, жоғары концентрация, көңіл бөлу және ауыстыру, жақсы көру және есту қабілеттері.
Жауапкершілік және ұқыптылық, бақылау және дәлдік, қатысымгерлік, шыдамдылық, стиль сезімі (көзілдірік таңдағанда).
Көрнекі-бейнелі ойлау, ойлау (нақты әлем объектілері және олардың белгілері), шығармашылық ойлау.
Оптометристке денсаулық сақтау саласында, адам анатомиясы мен физиологиясы, микробиология, фармакология, көз аурулары, оптика бойынша терең білім қажет.Ол латын тілінде арнайы терминологияны білу керек.Оптометрист жұмыс ортасы мен мекендеу ортасын біліп, оның жарықты, түстерді және формаларды қабылдауда дамыған сезімі болуы қажет.Оған түрлі қосалқы оптикалық құралдар мен күрделі оптикалық жабдықтарды пайдалану дағдыларын білу қажет.
Оптометристтің жұмысы оптика зертханасының үй-жайында немесе күрделі оптикалық аппаратураны пайдалана отырып, көз клиникасының үй-жайында жүргізіледі.
Көру және естудің елеулі бұзылуы, жұқпалы аурулар, жүйке-психикалық аурулар.
Оптометрист мамандығын жоғары оқу орнында 5В130200-Жалпы медицина мамандығы бойынша алуға болады.
Пікір