Елорда студенттерінен құралған құрылыс және «Жасыл ел» еңбек жасақтарының XV еңбек маусымының ашылуы өтті, деп хабарлайды қалалық әкімдіктің ресми сайты. Жазғы кезеңде жастар үшін жұмыс орындарын ұсыну жөнінде 10 ұйыммен келісімге қол қойылды.
Олардың қатарында «Астана орманы», «Астана көгалдандыру құрылыс» ЖШС, бірқатар құрылыс компаниясы мен білім беру мекемесі бар. Қалаға бөлінген квотаға сәйкес 975 адам жұмыспен қамтылатын болады. Еске салайық, «Жасыл ел» бағдарламасы Елбасының тапсырмасы бойынша республиканың барлық өңірінде 2005 жылдан бері жүзеге асырылуда.
14 жылдың ішінде елордалық «Жасыл ел» штабы астананы көгалдандыру жұмыстарына, 14 және 29 жас аралығындағы азаматтарды жұмыспен қамти отырып, жастарды әлеуметтендіру ісіне елеулі үлес қосып келеді.
«Жасыл ел» штабы бар республика бойынша өз қамқорлығындағыларды табысты жұмысқа орналастыруда. Жастардың еңбек ұйымдарының қатарына қосылғысы келетін белсенділердің саны жыл сайын артып келеді.
Бұдан бөлек, «Жасыл ел» еңбек жасақтарында жазғы кезеңде көпбалалы және аз қамтылған отбасылардан шыққан жастарды, сондай-ақ ювеналды полицияның есебінде тұрған 14 жасқа толған жасөспірімдерді жұмыспен қамтамасыз ету қарастырылған.
Түпдерек
Пікірлер