ҚР Еңбек және халықты әлеуметтік қорғау министрлігінің қолдауымен, Қарағанды қаласында «Еңбекке жол» http://prz.enbek.gov.kz сайтының тұсау кесері болды. Ол жастарды жұмыспен қамтуды арттырып, өмір сапасын жақсартуға мүмкіндік береді.
Қазақстан Республикасы Президентінің жанындағы Мемлекеттік басқару академиясының магистранттары «Еңбек ресурстарын дамыту орталығы» АҚ-мен бірлесе отырып сайт жасады, онда Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған мемлекеттік бағдарламасы туралы мәлімет беріледі. Мақсат-2019 жылдың 25 мамырына дейін жұмыссыз жастардың 3 пайызын еңбекке тарту.
«Еңбекке жол» жобасы үш бағыт бойынша жұмыс істейді: бағдарламаға қатысушыларды техникалық және кәсіби білім берумен және қысқа мерзімді оқытумен қамту; жаппай кәсіпкерлікті дамыту; халықты жұмыспен қамту арқылы еңбек нарығын және мобильді еңбек ресурстарын дамыту.
Жобаға кәсіби білімі жоқ және оқу орнына түспеген 9-11сынып оқушылары, аз қамтылған отбасылардың балалары, жұмыс іздеп жүргендер мен жұмыссыздар қатыса алады.
Пікірлер