Хореограф

Хореограф қосымша бiлiм беру саласындағы бiлiм алушылардың (тәрбиеленушiлердiң) әртүрлi шығармашылық қызметiн ұйымдастырады, қамтамасыз етедi. Қосымша бiлiм беру бағдарламалары мен жоспарларын әзiрлеуге және iске асыруға қатысады, оның сапалы орындалуын қамтамасыз етедi. Үйiрмеге балаларды жинақтайды, оқу мерзiмiнiң соңына дейiн сол құрамды сақтауға жағдай туғызады. Психофизиологиялық мақсаттан туындайтын педагогикаға негiзделген жұмыс формаларымен, құралдарымен және әдiстерiмен қамтамасыз етедi. Балалардың шығармашылық қабiлеттерiн анықтайды, оны дамытуға, кәсiби қызығушылығының тұрақты қалыптасуына, тәрбиеленушiлердiң тұлғалық рухани-адамгершiлiгiн қалыптастыруға ықпал етедi. 
      Дарынды және талантты бiлiм алушылармен (тәрбиеленушiлермен) қатар, мүмкiндiгi шектеулi балалардың дамуына қолдау көрсетедi. Оқушылардың мәдени-көпшiлiк шараларына қатысуын ұйымдастырады. Еңбектi қорғау, өрттен сақтану мен қауiпсiздiк техникасы нормалары мен ережелерiн сақтауды қамтамасыз етедi. Оқу үрдiсiнде балалардың өмiрi мен денсаулығын сақтауға қажеттi жағдай жасайды. Өзiнiң кәсiби бiлiктiлiгiн жетiлдiредi. Ата-аналарға, оларды алмастырушыларға, сол сияқты педагог қызметкелерге қажеттi кеңес бередi. Әдiстемелiк бiрлестiк және басқа да әдiстемелiк жұмыстарға қатысады. 
       Бiлуге мiндеттi: Қазақстан Республикасының Конституциясын , " Бiлiм туралы ", " Қазақстан Республикасындағы баланың құқықтары туралы ", " Қазақстан Республикасындағы тiл туралы " " Сыбайлас жемқорлыққа қарсы күрес туралы " Қазақстан Республикасының заңдарын, бiлiм беруге байланысты басқа да құқықтық нормативтiк актiлердi; педагогика, психология теориясын, жас физиологиясын, мектеп гигиенасын, пәндi оқыту әдiстемесiн; тәрбие жұмысының әдiстерiн, бағдарламалар мен оқулықтарды; пән кабинетiнiң жабдықталуына қойылатын талаптарды; оқыту құралдары мен олардың дидактикалық мүмкiндiктерiн; педагогика ғылымының даму бағыттарын; тәрбиеленушiлердiң сұранысы мен қызығушылығының даму ерекшелiгiн, олардың шығармашылық әрекетiнiң негiздерiн; талантарды iздеу және қолдау әдiстерiн; ойын-сауық және демалысты, спорттық-сауықтыру және бос уақытты ұйымдастырудың ғылыми-техникалық, эстетикалық әрекетiнiң мазмұны мен әдiстерiн меңгеру, үйiрме, клуб, секция, клубтық бiрлестiктер сабақтарының бағдарламаларын; балалар ұжымы, ұйымдары және қауымдастығы әрекетiнiң негiздерiн, еңбек туралы заңнаманың негiздерiн бiлу. 
       Бiлiктiлiкке қойылатын талаптар: 
      бiлiктiлiгi жоғары деңгейлi санатсыз маман: жоғары педагогикалық бiлiм немесе бейiнi бойынша жоғары кәсiптiк бiлiм. 
       бiлiктiлiгi орта деңгейлi санатсыз маман: тиiстi мамандығы бойынша техникалық және кәсiби бiлiм (арнайы орта, кәсiптiк орта). 
       Тиiстi санатты алу үшiн мiндеттiлiктi анықтай отырып бiлiктiлiкке қойылатын талаптар: 
       бiлiктiлiгi жоғары екiншi санатты маман: бiлiктiлiгi жоғары деңгейлi санаты жоқ қосымша бiлiм беретiн педагогке қойылатын талаптарға жауап беруi тиiс, одан басқа тәжiрибелiк, ғылыми-зерттеушiлiк жұмыстарды бiлу дағдысының болуы, оқытудың жаңа әдiстерiн апробациядан өткiзу бойынша жұмыстар жүргiзе алуы, өңiрлiк көрмелер, олимпиадалар, жарыстардың жеңiмпаздар ұжымына жетекшiлiк жасай бiлуi керек. 
       Бiлiктiлiкке қойылатын талаптар: 
      жоғары педагогикалық бiлiм және қосымша бiлiм беретiн мұғалiм қызметiнде еңбек өтiлi 3 жылдан кем емес немесе бейiн бойынша жоғары кәсiби бiлiм қосымша бiлiм беретiн мұғалiм қызметiндегi еңбек өтiлi 4 жылдан кем емес. 
       бiлiктiлiгi жоғары деңгейлi бiрiншi санатты маман: 
      бiлiктiлiгi жоғары деңгейлi екiншi санатты қосымша бiлiм беретiн педагогке қойылатын талаптарға жауап беруi тиiс, тәжiрибелiк, ғылыми-зерттеушiлiк жұмыстарды бiлу дағдысының болуы, республикалық көрме, олимпиада, конкурс, жарыстардың жеңiмпаздар ұжымына жетекшiлiк жасай бiлуi, педагогикалық басылымдарда жарияланымдарының болуы керек. 
       Бiлiктiлiкке қойылатын талаптар: 
      жоғары педагогикалық бiлiм және қосымша бiлiм беретiн педагог қызметiндегi еңбек өтiлi 4 жылдан кем емес немесе бейiн бойынша жоғары кәсiби бiлiм қосымша бiлiм беретiн мұғалiм қызметiнде еңбек өтiлi 5 жылдан кем емес. 
       бiлiктiлiгi жоғары деңгейлi жоғары санатты маман: 
      бiлiктiлiгi жоғары деңгейлi бiрiншi санатты қосымша бiлiм беретiн педагогке қойылатын талаптарға жауап беруi, сонымен қатар халықаралық, республикалық конкурстардың, көрмелердiң, олимпиадалардың жарыстардың жеңiмпаз-ұжымдарына жетекшiлiк ете бiлуi, авторлық әдiстемелiк әзiрлемелерiнiң болуы тиiс. 
       бiлiктiлiгi орта деңгейлi екiншi санатты маман: 
      бiлiктiлiгi орта деңгейлi санатсыз қосымша бiлiм беретiн педагогке қойылатын талаптарға жауап беруi, сонымен қатар ғылыми-зерттеу, эксперименттiк жұмыстарды бiлу дағдысының болуы, оқытудың жаңа әдiстерiн апробациядан өткiзу бойынша жұмыстар жүргiзе алуы, өңiрлiк көрме, олимпиада, жарыстардың жеңiмпаздар ұжымына жетекшiлiк жасай бiлуi тиiс. 
       Бiлiктiлiкке қойылатын талаптар: 
      тиiстi мамандығы бойынша техникалық және кәсiби бiлiм (арнайы орта, кәсiптiк орта) және қосымша бiлiм беру педагогының лауазымында еңбек өтiлiнiң 3 жылдан кем емес. 
       бiлiктiлiгi орта деңгейлi бiрiншi санатты маман: 
      бiлiктiлiгi орта деңгейлi екiншi санатты қосымша бiлiм беретiн педагогке қойылатын талаптарға жауап беруi сонымен қатар, ғылыми-зерттеу, эксперименттiк жұмыстарды бiлу дағдысының болуы, республикалық көрме, олимпиада, конкурс, жарыстардың жеңiмпаздар ұжымына жетекшiлiк жасай бiлуi тиiс. 
       Бiлiктiлiкке қойылатын талаптар: 
      тиiстi мамандығы бойынша (бейiн бойынша) техникалық және кәсiби бiлiм (арнаулы орта, кәсiптiк орта) және қосымша бiлiм беру педагогының лауазымындағы еңбек өтiлiнiң 4 жылдан кем емес. 
       бiлiктiлiгi жоғары деңгейлi жоғары санатты маман: 
      бiлiктiлiгi орта деңгейлi бiрiншi санатты қосымша бiлiм беретiн педагогке қойылатын талаптарға жауап беруi тиiс, одан басқа республикалық, халықаралық көрме, олимпиада, конкурс, жарыстардың жеңiмпаздар ұжымына жетекшiлiк жасай бiлуi қажет. 
       Бiлiктiлiкке қойылатын талаптар: 
      тиiстi мамандығы бойынша техникалық және кәсiптiк бiлiм (арнаулы орта, кәсiптiк орта) және қосымша бiлiм беру педагогының лауазымындағы еңбек өтiлiнiң 5 жылдан кем емес.